عباية مقلمه بخطوط سيلفر

من أكتر من 15 سنة بدأنا رحلتنا… فكرة صغيرة في مصنع عائلي اتبنت على حب الشغل المظبوط، واهتمام بالتفاصيل، وإيمان إن العباية السادة البسيطة ممكن تكون شيك، عملية، وتليق على كل ست.

في رؤية بنركز على العبايات السادة الأسود… من غير شغل كتير ولا ألوان زيادة، بس بقصّات مظبوطة وجودة خامة تخطفك من أول لمسة. بنشتغل على خامات حرير وكوريشة وأي خامة مستوردة تخدم راحتك وشكلك طول اليوم.

وعشان الجودة مش كلمة وخلاص…

إحنا عندنا المصنع الخاص بينا، وصاحب المصنع هو نفسه اللي بيصمّم العبايات، يعني مفيش وسيط ومفيش حاجة بتطلع غير وهي متراجعة كويس، من أول القصّة لحد آخر غرزة.

بنستهدف الست اللي بتحب العبايات العملية والكاجوال… اللي عايزة تخرج، تشتغل، تتحرك براحتها من غير ما تتقيد، وفي نفس الوقت تبقى شيك وبسيطة.

سرّ نجاحنا؟

سرعة التوصيل – جودة الفينيش – التفاصيل الدقيقة

ومع إننا بنوصل بسرعة… فـ لسه الأهم عندنا إنك تستلمي حاجة راضية عنها 100%.

وعشان كده الاستبدال والاسترجاع متاح خلال 24 ساعة من الاستلام.

النهاردة بقينا أكبر براند عبايات أونلاين في مصر… واللي جاي أحلى، لأن رؤيتنا طول عمرها إنها توصّل لكل ست الإطلالة اللي تستاهلها من غير مجهود.